ГУК «Столинская районная библиотечная система»

Хроніка аб рабоце бібліятэк ДУК “Столінская РБС”. Красавік 2018 г.

У красавіку 2018 года бібліятэкі ДУК “Столінская РБС”
працавалі згодна планаў работы і асноўных праграм дзейнасці.
Большасць мерапрыемстваў у бібліятэках сістэмы была прымеркавана да наступных знамянальных дат: Міжнароднага дня птушак, Сусветнага дня здароўя, Вялікадня, Дня Чарнобыльскай трагедыі, літаратурных юбілеяў і інш.
Сярод масавых мерапрыемстваў можна адзначыць наступныя:
Да Міжнароднага дня птушак
1 – Ніжнецерабяжоўская сельская бібліятэка – экалагічная гульня “Чароўны свет птушак”.
1 – Стахаўская сельская бібліятэка – пасяджэнне экалагічнага клуба “Павуцінка” - экалагічнае свята “К птичьему пению с вниманием и волнением”, на якім усе конкурсы, гульні, заданні прысвечаны птушкам.
4 – Верхнецерабяжоўская сельская бібліятэка – пазнавальнае мерапрыемства “Знаўцы птушак” з віктарынамі, загадкамі аб птушках.
Да Дня смеху
1 – Рухчанская сельская бібліятэка – гумарыстычная гадзіна “Нам без жартаў – нікуды!” з розыгрышамі, жартамі, творчымі конкурсамі.
Да Міжнароднага дня дзіцячай кнігі
(у межах Тыдня дзіцячай і юнацкай кнігі)

3 – Столінская раённая дзіцячая бібліятэка – свята кнігі «Как у наших у ворот начался книговорот», прысвечанае Міжнароднаму дню дзіцячай кнігі. На мерапрыемства завіталі выхаванцы старэйшых груп Столінскага яслі-сада № 3. Праведзена экскурсія-знаёмства з бібліятэкай і прадстаўлена выстава дзіцячай літаратуры. Гульнявую праграму падрыхтавалі работнікі ГДК.
З 4 па 11 красавіка ў бібліятэках сістэмы прайшоў раённы тыдзень здароўя пад дэвізам “Стыль жыцця – здароўе”, накіраваны на папулярызацыю здаровага ладу жыцця. Ва ўсіх філіялах арганізаваны кніжныя выставы, тэматычныя паліцы, прагляды літаратуры “Добрыя парады для вашага здароўя”, “Компас у краіну здароўя”, “Залатыя правілы здароўя”, “Жыць здорава!” і інш. Праведзены ўрокі здароўя, інфармацыйныя і прафілактычныя гадзіны, тэматычныя вечары, гульні, віктарыны, спартландыі і інш.
5 – Веляміцкая сельская бібліятэка – інфармацыйна-пазнавальная гадзіна “Насустрач здароўю” для вучняў 2 класа.
7 – Рухчанская сельская бібліятэка – спартыўна-гульнявое мерапрыемства “Насустрач здароўю” з удзелам дзвюх каманд.
7 – Рэчыцкая гарпасялковая бібліятэка – конкурсная гульнявая праграма “Падарожжа ў краіну здароўя”.
8 – Вялікамалешаўская сельская бібліятэка - прафілактычная гадзіна “Здароўю насустрач” з конкурсам “Карысна і шкодна”. У ходзе мерапрыемства ўдзельнікі атрымалі шмат карысных парад па здароваму ладу жыцця.
13 – Відзіборская сельская бібліятэка – урок здароўя “Доктор из целебного лукошка” для вучняў 6-7 класаў.
15 – Давыд-Гарадоцкая гарадская бібліятэка – інфармацыйна-пазнавальная гадзіна “Лекавыя расліны вакол нас” для вучняў СШ № 1. Пад час мерапрыемства паказана прэзентацыя, якая пазнаёміла дзяцей з лекавымі раслінамі, правіламі іх збору, захаваннем і прымяненнем. Прысутныя атрымалі карысныя парады і рэкамендацыі, якія тычацца здароўя ўсёй сям’і.
Да свята Вялікдзень
1-15 – Манькавіцкая сельская бібліятэка – выстава творчых работ “Велікодная мазаіка”, на якой прадстаўлены вышытыя карціны, вырабы са стужак, упрыгожаныя рознымі тэхнікамі велікодныя яйкі і інш.
6 – Радчыцкая сельская бібліятэка – майстар-клас “Велікодны сувенір” па аздабленню дэкаратыўных велікодных яек – з паперы, тканіны і бісеру.
11 – Рэчыцкая гарпасялковая бібліятэка – выступленне ЛПГ “Час” “Велікодны благавест”. Прысутнічалі 10 чалавек, для якіх гучалі велікодныя вершы і віншаванні, праводзіліся гульні з велікоднымі яйкамі.
14 – Столінская цэнтральная бібліятэка (аддзел абслугоўвання і інфармацыі) – пасяджэнне клуба “Вытокі” з удзелам айца Сергія з храма Святога праведнага Іаана Кранштадскага в. Атвержычы. У ходзе сустрэчы ўсе яшчэ раз успомнілі гісторыю галоўнага хрысціянскага свята, яго традыцыі. Прысутныя падрыхтавалі шмат пытанняў да святара, цікавіліся як правільна падрыхтавацца да свята, што патрэбна свяціць у храме і г.д.
Да Дня чарнобыльскай трагедыі
Ва ўсіх філіялах сістэмы (48) арганізаваны выставы, паліцы “Чарнобыль – кветка горычы і болю”, “Чарнобыль – боль і трывога”, “Балючая памяць Чарнобыля”, “Бядой запаленае слова” і інш.
26 – Рубельская сельская бібліятэка – інфармацыйная гадзіна да Дня чарнобыльскай трагедыі, у ходзе якой дзецям нагадалі аб падзеях 26 красавіка 1986 года і аб тым, як змянілася жыццё беларусаў пасля катастрофы. Бібліятэкарамі праведзены агляд твораў, з якіх можна больш даведацца аб трагічнай старонцы ў лёсе краіны.
28 – Давыд-Гарадоцкая гарадская бібліятэка – вечар-рэквіем “Урокі Чарнобыля: погляд праз дзесяцігоддзі”, прысвечаны 32-ой гадавіне катастрофы на Чарнобыльскай АЭС. Электронная прэзентацыя “Чарнобыльская трагедыя” прадэманстравала карціны тэхнагеннай аварыі, глыбока і ярка асвятліла праблемы яе наступстваў. Кожны прысутны атрымаў памятку “Дзеянні насельніцтва ў выпадку радыяцыйнай аварыі”.
Да Году малой радзімы
22 – Веляміцкая сельская бібліятэка – краязнаўчае падарожжа “Зямля, дзе пачаўся твой лёс”. На мерапрыемства прыйшлі вучні 7 – 8 класаў, настаўнікі, клубныя работнікі, актыўныя чытачы, для якіх бібліятэкары падрыхтавалі завочнае падарожжа па старонках гісторыі роднай вёскі. Мультымедыйная прэзентацыя паведаміла аб асноўных датах, падзеях у жыцці вёскі. усе разам успомнілі знакамітых ураджэнцаў, землякоў. Цікавасць выклікала падборка фотаздымкаў з мінулага жыцця вёскі і яе жыхароў.
24 – Лядзецкая сельская бібліятэка – вечар-успамін “Працоўная зорка вёскі Лядзец” аб героі Сацыялістычнай працы В.С. Шыкунец для вучняў старэйшых класаў.
28 – Кароціцкая сельская бібліятэка – літаратурнае краязнаўчае падарожжа “Знакамітыя людзі вёскі” для вучняў 5 класа. Пад час мерапрыемства дзецям прапанавана глыбей пазнаёміцца з творчасцю вядомай сучаснай беларускай паэткі Вольгі Шпакевіч. Бібліятэкар правяла агляд двух зборнікаў вершаў, якія аўтар падарыла бібліятэцы.
Іншыя мерапрыемствы
11 – семінар-практыкум “Прававая асвета насельніцтва ў бібліятэках”, прысвечаны рабоце Публічных цэнтраў прававой інфармацыі. На семінары прысутнічаў спецыяліст Рэгіянальнага цэнтра прававой інфармацыі Брэсцкай вобласці – Галавій В.А., якая расказала прысутным аб задачах і функцыях цэнтраў прававой інфармацыі – ад Нацыянальнага (НЦПІ), які з’яўляецца галоўным дзяржаўным навукова-практычным цэнтрам, - да кожнага публічнага, створанага на базе бібліятэкі. В.А. Галавій паведаміла карысную інфармацыю аб магчымасцях і перавагах новай версіі інфармацыйна-пошукавай сістэмы “Эталон”, а таксама расказала, на якіх інтэрнэт-рэсурсах можна знайсці інфармацыю аб усіх змяненнях у заканадаўстве і задаць пытанне прававога характару спецыялісту. Прысутных супрацоўнікаў бібліятэк хвалявалі наступныя пытанні – развіццё прававых цэнтраў, сучаснае абнаўленне ЭБД “Эталон”, а таксама цяжкасці, з якімі сутыкаюцца бібліятэкары пры рабоце з ІПС “Эталон”. На ўсе пастаўленыя пытанні спецыялістам дадзены кампетэнтныя адказы. Захапляючым этапам стала правядзенне інтэлектуальна-прававой гульні “Знаўцы права”, удзельнікамі якой сталі вучні 6 кл. СШ № 3 г. Століна. Юныя ўдзельнікі прадэманстравалі нядрэнныя веды законаў і правоў, за што атрымалі прызы ад Рэгіянальнага цэнтра прававой інфармацыі // Навіны Палесся. – 2018. – 20 красавіка.
12 – Рубельская сельская бібліятэка – пасяджэнне аматарскага аб’яднання “Вясёлка”, прысвечанае Сусветнаму дню авіяцыі і касманаўтыкі. Пазнавальная гадзіна “Дзіўны свет космасу” прайшла ў цікавай форме. Дзеці адказвалі на “касмічныя” пытанні і загадкі.
29 – Столінская цэнтральная раённая бібліятэка (аддзел абслугоўвання і інфармацыі) – пасяджэнне клуба “Сустрэча” – аматарскія пасядзелкі “Вясна ў маім садзе”. Да ўвагі прысутных аформлена выстава-парада “Справы вясеннія рассадныя”. Кіраўнік клуба падрыхтавала відэапрэзентацыю з прыгожымі прысядзібнымі ўчасткамі, разам абмеркавалі навінкі ў свеце раслін і садовага дызайну, даведаліся аб прыкметах народнага календара.